المسرحي والكاتب محمد العامري العراقي: كوميديا عراقية رياضية

مشهد كوميدي

بمناسبة ميلاد كوورة عراقية

((كوميديا عراقية رياضية))

بمناسبة إشعال منتدى كوورة عراقية شمعته الثانية نطل عليكم بوجه جديد وبكتابه جديدة ..

وبما أني اعمل في مجال المسرح والتلفزيون تطرقت إلى باب جديد وهو ربط السيناريو بالرياضة.. وبهذه المناسبة العزيزة علينا أقدم أليكم ..

***** كوميديا رياضية *****

الشخصيات:- عبوسي ، والدت عبوسي

داخلي:- غرفة لشاب رياضي معلقة على جدرانها صور رياضية للمنتخب العراقي ولاعبين رياضيين.. وضوء الغرفة خافت أي شبه الإظلام.. عبوسي جالس على جهاز الكومبيوتر .. وباب غرفته مقفول.

الزمن:- ظهراً

عبوسي (يتحدث مع نفسه): أي همزين (يصفق) ومن ثم يقفز من مكان إلى آخر فرحاً ثم يرقص رقصات غريبة وعجيبة وكأنه حصل على جائزة نوبل..

عبوسي مازال يكتب (وضرباته على حروف كيبورد الحاسبة قوية)

الام:- عبوسي تريد غده.

عبوسي: لا يمه لا

الام: تريد ماي .. جاي ..

عبوسي:لا يمه لا

الام: تريد ركي

عبوسي:لا يمه لا

الأم: عبوسي شنو سالفتك اشو من الصبح قافل الباب عليك

وجكجك بالحاسبة مو راح تموت يمه..

عبوسي: روحي يمه روحي.

الأم: تقبل يداه : الحمد لله والشكر ربي

عبوسي: يصفق مرة اخرى( وبصوت عالي) يا الله .. الحمد لله ..

الأم: تقرب أذنها من باب غرفة عبوسي.. وهي تهمس (يمه ابني تسودن)

عبوسي: اخخخخخخخخخخخخخخخخخخخخ

الأم: يمه عزه هذا شبي!!

عبوسي: لالالالالالالالالالالالالالالالالالالالالالا

الأم: يمه يمه يمه .. عبوسي وين اضمه .. (تلطم الخدين) يا ابني بي شئ ..

عبوسي: اييييييييييييييييييييييييييييييييييييييي

الأم: (تلطم خدها الأيمن) لازم اكو فد شئ بالغرفة.

عبوسي: يغني (وكل عام وانت الحب .. كل عام وانت الحب)

الأم: يا يمه ابني (خرب)

عبوسي: اففففف والله ارتاحيت

الأم: يايايايايايايايايا السالفه صارت مو حلوه (أي مو حلوه) لازم اجفت عليه..

عبوسي: يضحك بصوت عالي ..

الأم: بس!!! ما اسمع واحد وياه يضحك .. (تصمت لتفكر ثم تتابع) هذا لو تسودن لو .......... !!

عبوسي: هسه راح نبدي.

الأم: تقرب اذنها اكثر فاكثر ومن ثم تحاول ان تجد فتحة من الباب لكي تطل على ابنها عبوسي وم يفعله داخل الغرفة .. الام بهمس ما بينه وبين نفسها(اعتقد لسالفه مالت عبوسي مو خالية)

عبوسي: (مازال فرحاً ويغني ما بينه وبين نفسه).. الجو جميل وشاعري .. الله الله الله ....!!!

الأم: لالالالالا قلبي طك وراح اكسر الباب.

قــــــــــــطع

(تبتعد الام بحوالي خمس مترات عن الباب وتدفع نفسها بقوة بينما عبوسي يترك حاسبته ويريد ان يخرج خارج الغرفة .. الام تندفع بقوة .. عبوسي يفتح الباب .. والا والدته تصطدم به بقوة ويسقطان ارضاً..

الكاميرا بشكل عامودي على الأم وعبوسي وهم مستلقيان ارضاً.

الأم توجه كلامها لعبوسي وهي تمسك به من (ياخته)

الام: ولك ويامن تحجي وشعندك وشمسوي احجي لا اليوم اطلع ضيم الكهرباء وضيم ابوك كله بيبك..

عبوسي: وهو خائف .. يمه اشبيج خوفتيني.

الام: ولك انه خوفتك لو انت ابو الطلايب والمصايب

عبوسي: يمه اكو شئ؟؟

الام: لا ماكو شئ .. بس أنت شنو مسوي ويامن جنت تحجي..

عبوسي: (يضحك) ههههههههههههه بصوت عال.

الام: لا تضحك ولك مصخم ملطم ترى اليوم ادخل راسك بالحاسبة.

عبوسي ما زال يضحك: يمه هاي شبيج انتي ما تدرين؟

ألام: لا ما ادري.. ولك كلي

عبوسي: صدك يعني ما تدرين ؟؟